Proverbi, conte e filastrocche

Tin-ton-tin-ton-tin-tela
s’ha maridà el Brighela
l’ha tolto na vecieta
che sempre la repeta.
L’ha fat en pet en ciesa:
el pret el gà crià:
la vecieta tose el libro
e scampa a cà.

Toso peloso
cagno rabioso.

Sotto il ponte passa l’acqua
dove lava la Rosina,
tuti i dis che l’ei belina,
l’è la cocola del papà.

Cossa serve
che el se serva
de na serva
che no serve,
se la serva,
che lo serve
no la serve?

Ancoi l’è sabo,
mondo granele,
aspeto el me Lele,
che el gà da vegnir.
Lele de qua,
Lele de là,
eco el me Lele
che l’è capità.

Bon apetito,
se ve pias,
se no tira drito.

Oh, Ladri del Calvario
che avè portà via
el campanel del Santus
per tacarlo ale caore del Mosca,
portalo chi subit veh!
E ti Brighela, porteghe
el zerciar al Scaleta,
che l’è tre mesi che el lo zerca.
E voi, done dei Tamanini,
meteghe pù ben le peze
sul cul dei vossi omeni,
e nò che par badii.

Mi son en nio de cardelin,
che ghè zò el berto Pisin,
e la so Eli,
col conte Tabarelli.

Che pinza, l’auto
del Tomelin:
en fil de fer, na broca,
na stropa, en fil de erba;
el mà desfà
tuta la stropaia
de Brusafer
per far i freni
al so carcasa.



No scherzar con la montagna perché la te magna
Tre robe no se pol sconder: la toss, la rogna e l’amor
El seren de not nol val en per cot
Che i sia boni, che i sia tristi, lasa star i so ministri
La tera l’ei basa per chi no gà voia de laorar
Con la mesa e en bon disnar, senza vespro se pol star
L’è orbo come na tolpinara
L’è pù endreo del car dal fen
Ricordete che l’unico sistema per viver en pez l’è quel de deventar vecio
Le zime le scorla tute
En mancanza de cavai anca i aseni i trota
No se fa mai fadiga a far le robe el mes del mai e l’an del miga
Meti la roba en den canton: prima o dopo la gavrà stagion
Chi stà con le man en man, va a morir de fam
I difeti de natura sei porta ala sepoltura
Roba robada la gà poca durada
Se el piove da S.Ana, l’è tanta mana